Kolegioa zinemara eta 4. filma lekuko hizkuntzan
Urtero, irudi heziketarako dispositibo honek zinema moldeen aniztasuna deskubritzeko aukera ematen die kolegioko ikasleei, Arte eta Saiakera saileko hiru filmaren bitartez.
Badu hiru urte Cinevasionek eta haren partaide instituzionalek beste film bat gehitu diotela dispositiboari, eta laugarren film hori lekuko hizkuntzan da. Dispositibo nazionalaren luzapen gisa asmatua, film gehigarri horrek lekuko ekoizpen zinematografikoan ezartzen du fokua, eta gure lurraldeko berezitasun kultural eta linguistikoa balioesten du.

Sartzerako berrikuntza: Ingurugiroa, zeharkako gaia
2023/2024 ikasturtean, gai berak hautatu ditugu ziklo guziendako, programa orokor baten inguruko bitartekaritza-ekintzak plantan ezartzea errazteko, irakasleei dispositiboarenganako ikuspegi ezberdina proposatzeko, filmak egungo testuinguruan kokatzeko, filmen arteko lotura sortzeko, eta, azkenik, ikasleak obrak bereganatzen laguntzeko. Aurtengo gaiek naturarekiko eta gure ingurumenarekiko loturaz dihardute. Gai bilduma zabal honek galde ugari dakartza: Nola komunikatzen gara? Nolako harremana dugu naturarekin eta nolakoa garatu nahi dugu? Nola bizi munduan? Nor gara? Gure lurraldeko kulturak nola transmititzen digu gure nortasuna, edo izaki bizidunekiko dugun harremana?

6. eta 5.eko ikasleentzat: Nora
4. eta 3.eko ikasleentzat: Bertsolari